Casi un mes nel pueblín, pasiando de acá p'allá con amigos de éstes tierres, y disfrutando en la medida de lo posible del paisaje y paisanaje del mio rincón.
El broche de oru de éstes vacaciones jui la boda de Jorge y Ana.
A elli vilu crecer, y pasé la juventud riyéndoi los chistes. Siempre jui la alegría del pueblu. El roxu de güeyos azules que taba tou el día cantando, chiflando y de güen humor.
Creciemos, y compartiemos muchos de los momentos más guapos de nuestra vida.
Ella, parienta por la parte de mio madre, empecé a tratala al encontramos per les fiestes del conceyu nel veranu. Con Ana y Maria José (la hermana mediana) creóse un vínculo que transformó en una bonita amistad el parentescu que nos unía.
No poques fiestes pasamos jaciendo de alcahuetes entre los dos, cuando ella ya estaba enamorada de elli y elli no y jacía malditu casu.
Grande jui la alegría que llevé cuando me enteré de que por fin salín xuntos.
Como la que mi dieren les Ñavidaes pasaes cuando mi anunciaren que se casaben en Septiembre; con tiempu pa que no tuviera excusa pa faltar.
Y así adecué les vacaciones pa no golver pa Barcelona sin dexalos bien casaos...y bien casaos los dexamos.
Un día espectacular, de sol y güena temperatura.
Un día de reencuentros con xente amiga que veo de Pasqües en Ramos, que disfruté al máximu. Como todos los asistentes.
Disparé unes poques asemeyes que mi reclamen sin parar, y que a través de esti blog y de los álbumes Picasa, quiero compartir con quiera pasar a veles.
Vengo agradecíu de la xente que me ja sintime tan a gustu y tan bien en la mio tierrina. Y apenáu, de que sin ser culpable de nada, no pueda ser así con tou el mundo.
 |
| La boda de Jorge y Ana. |
